Bizkaiko gasolindegien sektoreko lan hitzarmenaren aldeko elkarretaratzea
2016/05/18
Gasolindegien sektoreko langileak elkarretaratu dira gaur goizean REPSOL eta CEPSAko bulegoen aurrean. Negoziazioetan ia urte eta erdian eman arren, sektoreko patronalek ez dute ezertan aldatu hasierako jarrerak, lan-erreformaren puntuak ez dituzte inondik ere leundu nahi, eta azken batean hitzarmenaren negoziazioak ito-puntuan daude.
AVECAR eta CEBEK patronalen azken eskaintzak bi urteko indarraldia izango du, baina eskainitako soldata-igoerak ez dira loturik egongo KPIrekin, %0’5ekoak izango dira urte bakoitzean (2015 eta 2016), eta beraz ez da bermatuko ezta eroste-ahalmenari eustea ere, litekeena da diru-galerak eta guzti erakartzea langileentzat.