austeritatearen aurkako euromanifestazioa

Bruselako austeritatearen aurkako mobilizazioan parte hartu du ELAk

2023/12/12
Urtea amaitzeko hilabete baino gutxiago falta arren, oraindik ez dago akordiorik arau fiskalak aldatzeko. Dena den, Europako Batzordeak dagoeneko ohartarazi die estatu kideei 2024tik aurrera gerrikoa berriro estutu beharko dutela.

Azken lau urteetan Europak neurriak lausotu ostean, austeritate politika martxan jarriko dute berriro 2008ko krisiaz geroztik hainbesteko mina eragin duten arau fiskalekin. 2024an EHI (Egonkortasun eta Hazkunderako Ituna) egingo da, berri batzuk gehituta gainera. Izan ere, Europako Batzordea 2025ean indarrean sartuko den Itun berri batean lanean ari da.

Aurreikusten diren austeritate-arau zorrotzek gastuaren murrizketak egitera behartuko dituzte gobernuak. Neurri horien aurka gaudela adierazteko eta langile klaseak hezkuntza, osasun-arreta, eguneratuta mantenduko diren soldak eta etorkizun iraunkorrean inbertsio publikoak egiteko eskatzeko, Europa osoko sindikatuak bildu dira abenduaren 12an Bruselan, euromanifestazio batean. ELAk ere bat egin du mobilizazioarekin.