CCOO eta UGT sindikatuek onartu dute ELA Zardoya Otis enpresaren negoziaziotik kanpo uztea legez kanpokoa dela

CCOO eta UGT sindikatuek ELAk Zardoya Otis enpresaren hitzarmenaren mahaian parte hartzeko eskubidea duela onartu dute Espainiako Auzitegi Nazionalean. Bi sindikatuek ELA negoziaziotik kanpo uztea erabaki zuten, Estatuko-esparruko enpresa bat dela argudiatuz.

Erabaki horren aurrean, ELAk helegitea jarri zuen Auzitegi Nazionalean; honek arrazoia eman dio sindikatuari. Zardoya Otis Alemaniako enpresa bat da, eta Gipuzkoan, Araban, Bizkaian eta Nafarroan 6 lantoki ditu. Bertan, 450 lagunek egiten duten lan, eta ELA da ordezkaritza gehien duen sindikatua.