EAEko Auzitegi Nagusiak berretsi du Petronorren aldi baterako lan-erregulazioa justifikaziorik gabekoa izan zela

2022/06/06
Euskal Autonomia Erkidegoko Justizia Auzitegi Nagusiak epai bat eman du, eta epai horren arabera, 2021eko maiatzaren 3tik abenduaren 31ra bitartean Petronorren aplikatu zen aldi baterako lan-erregulazioa justifikaezina da, enpresa-batzordeak bere garaian defendatu zuen bezala. Petronorreko Zuzendaritzak aldi horretan jaso ez dituen soldatak birjarri beharko ditu.

Enpresa-batzordea pozik agertu da epai horrekin, eta aldi horretan langile guztiek egindako inplikazioa eta ahalegina nabarmendu du, aldi baterako lan-erregulazioaren aurkako greba eta mobilizazio ugarirekin.

Bestalde, langileen ordezkariek adierazi dute 2021ean langileek bizi izandakoaren zati bat ezin dela konpentsatu, hau da, poliziaren gehiegikeriak. Gaur egun oraindik isunak iristen dira aldi baterako lan-erregulazio honen aurkako borrokagatik eta, gainera, lankide bat dago epaiketaren zain. "Onartezina da horrelako errepresaliak enplegua defendatzeagatik hartzea", berretsi dute.

Enpresa Batzordeak espero du epai honen ondoren Petronorreko zuzendaritzak instalazioen eta pertsonen segurtasuna zuzentzea eta lehenestea, baita akordioak betetzea ere.

2021. urtetik 2022. urteko lehen hiruhilekora 215 milioi euro irabazi ditu Petronorrek. Datu horiek erakusten dute aldi baterako lan-erregulazioen politika ez datorrela bat enpresen errealitatearekin.