Zornotzako AKT Plasticos S.L.

EAEko Justizia Auzitegi Nagusiak berretsi du enpresaren aldi baterako lan erregulazioa justifikaziorik gabea izan zela

2023/12/22
ELAri arrazoia eman diote epaitegiek. Izan ere, epaiak jasotzen du Amorebietako AKT Plasticos enpresak ez duela beharrezko dokumentazioa eman etete neurria kontrolatu ahal izateko. Era berean, azalpen memoria eta txosten teknikoa ez dira behar bezain azalgarriak, bezeroen eta enpresaren arteko lan kargari eta produkzio doikuntzei buruzko datuak falta baitira. Eta, funtsean, enpresak aldi baterako lan erregulazioa justifikatzeko argudiatzen du, enpresaren bezeroek jarduera gelditzen badute, AKT Plasticos berehala gelditu behar duela. Hori guztia dela eta, lehen auzialdiko epaitegiak eta Eneko Justizia Auzitegi Nagusiak justifikaziorik gabekotzat jo dute enpresak planteatutako aldi baterako lan-erregulazioa.

Ondorioz, etendako kontratuei berriro ekin behar zaie, eta aldi baterako lan erregulazioa aplikatzeagatik kobratutako langabezia prestazioekiko diferentziak edo soldatak ordaindu behar ditu enpresak.


Epai berri hau plantilla lan gatazka betean dela iritsi da enpresa hitzarmenaren negoziazioaren ondorioz; gaur 17. greba eguna beteko dute langileek. Bada, 
ELA sindikatuak Lan Ikuskaritzaren aurrean salatu du greba egiten ari diren langileak kontratatu berriekin ordezktzen ari direla, eta grebalariei soldatarik ordaindu ez; hori grebarako eskubidearen urraketa argia da. Beraz, ELAk Lan agintaritzari eskatzen dio azkar eta irmo jardun dezala enpresaren jarduera horien aurrean, AKT Plasticos enpresako langileen greba eskubidearen urraketa galarazteko.



Azkenik, ELAk berriro ere dei egiten dio enpresari egoera hori desblokeatzeko eta hitzarmen kolektiboaren negoziazioari berriro ekiteko, enpresa batzordeko langile gehiengoarekin akordio bat lortzeko, lan baldintzak hobetzeko eta lan-gatazkarekin amaitzeko.