Ekainak 28: LGBTIQ+ borroka gizarte osoaren borroka da

2021/06/28
Lanaren mundutik eta ELA sindikatutik, LGTBIQ+ borrokarekin bat egiten dugu 2021eko ekainaren 28 honetan. Onartzen dugu data zehatz hauek eskakizun desberdinekin datozela; alde batetik, bizi garen genero-ordena zorrotza zalantzan jartzea, eta bestetik, disidentzia sexuala babaestea guzti hau agenda sindikalaren lehen lerroan jarriz.

Ardatz heteropatriarkalak gure gizartea egituratzen du. Lan-arloan ere, emakume izatea zer den eta gizon izatea zer den zalantzan jartzen jarraitu behar dugu, dauden genero eta sexu adierazpenen eta identitateen aniztasun guztiarekin batera.

Geure buruari galdetu behar diogu ea banatzen gaituen genero-ordenantza sakratu hori egitura-desberdintasunaren elementu handienetako bat den, eta hutsaldu egiten den, hain zuzen ere, ezarritako ordena errotik zalantzan jartzen duelako. Sexuaren araberako lan-banaketak argi eta garbi erantzuten dio horri, eta lan-merkatu formala eta merkatu horretatik kanpo geratzen dena egituratzen jarraitzen du.

LGBTIQ+ kolektiboen borrokak ezin dira bigarren mailan utzi, beste borroka sozial eta politiko batzuekin alderatuta. Horregatik, ELAk balio handia ematen dio baterako lanari eta gizarte-mugimenduen, sindikatuen eta LGBTIQ+ mugimenduaren arteko aliantzak indartzeari.

Horren adibide garbia izan zen 2019ko irailaren 21ean sindikatuek, mugimendu sozialek eta Harro! Plataformak (Euskal Herrietako Transmaribibollo Plataforma), elkarrekin egindako manifestazioa tokiko eta nazioarteko harrotasunaren merkantilizazioa salatzeko, bai eta Basauriko azken eraso homofoboaren edo Gasteizko ikastetxe bateko horma-irudian agertutako pintada homofobo eta transfoboen aurreko erantzun kolektiboak salatzeko ere.

Ez dugu besterik. LGBTIQ+ borroka guztion borroka da, gizarte osoarentzat eta horretan, sindikalismoa bidelagun izaten jarraituko du!