SANITAS LORAMENDI (ERANDIO)

ELA 5 greba egun gehiago egiten ari da, lan-karga jasanezina salatzeko eta lan-baldintzetan hobekuntzak eskatzeko

2026/07/02
ELA 5 greba egun gehiago egiten ari da, lan-karga jasanezina salatzeko eta lan-baldintzetan hobekuntzak eskatzeko
Maiatzean deitutako 3 greba egun ondoren, eta egoera konpontzeko enpresak hartutako neurri eskasen ondoren, ELAk beste 5 greba egiten ari da (ekainaren 29,30ean eta uztailaren 1,2 eta 3an). Horrek enpresa lehen urratsak ematera behartu du, eta erakutsi dute mobilizazioa dela bide bakarra: hiru kontratu mugagabe sinatzea lortu da.

Enpresak hainbat kategoriatako lana berrantolatu du, langile faltak sortutako hutsuneak betetzeko, langile batzuei txandak bikoiztu die eta langile batzuk kategoriaz ez zegozkien funtzioak bete dituzte, ondorioz, greba eskubidea urratu dute. Emandako egoera larri honetan ELAk enpresari aurkeztutako idatzi baten ondoren, txandak bikoizteko praktikarekin amaitzea lortu da; horrek izugarri handitzen zuen langileen gainkarga fisikoa eta mentala.

Plantilla handitzeko aurrerapausoak eman diren arren, ELArentzat ez da nahikoa. Txanda eta kategoria guztietan egiturazko langilerik ez egoteak, lanaldi partzialen gehiegikeriarekin batera, egoitzako erabiltzaileak merezi duten asistentzia-kalitatea bermatzea eragozten jarraitzen du.

Horregatik, Sanitas Loramendiri eskatzen diogu: lanaren antolamenduaren hobekuntza errealak eta berehalakoak; lanpostuen prekarietatea eta estaldura irregularrak behin betiko amaitzea; eta langile guztien osasuna eta lan-duintasuna errespetatuko duten baliabide nahikoak.