ELAk %23ko ordezkaritza lortu du Ertzaintzan

2010/10/29
Ertzaintza sektoreko eremuan urriaren 28an eginiko hauteskunde sindikaletan ELAk 14 delegatu atera zituen, %23ko ordezkaritza lortuaz sektorean

ELAk ertzainak zoriondu nahi ditu izandako partaidetza handiagatik, eskuhartzea % 84aren ingurukoa izan baita. Bide batez, bere hautes-zerrendei emandako babesa eta atxikimendua eskertu nahi ditu ELAk  eta bere emaitzak hobetu dituzten sindikal aukerei zorionak eman.

ELA  are eta konbentzimendu handiagoz berretsi egiten du polizi eredu demokratikoaren apustua. Polizia ereduak herritarren zerbitzukoa, gizartean integratua, pertsona guztien eskubide guztien errespetuzkoa, eta lan baldintza duinekin osatua behar du ELAren iritziz.

Datozen urteetan ere ELAk bide horretan jarraituko du, konfederala eta klasekoa den aukera berretsiz.