ELAk Aragoiko OSTA sindikatuaren kongresuan parte hartu du

ELAren izenean Oskar Rodríguez joan zen, Tuterako herri baturako kidea, eta partehartzeko aukera izan zuen sindikatu aragoiarrarekin aliantza sindikala berritzeko.

"Urte asko dira ELAren eta OSTAren arteko aldarrikapenetan eta borroketan lankidetzan aritu garela eta bat egin dugula -gogoratu zuen Rodriguezek-. Gaizki deitutako elkarrizketa sozialeko mahaien aurkako gure jarrerak komunak dira eta Espainiako Estatuan eta gure jarduera-eremuetan pairatzen ditugu. Pairatzen dugun egoera politiko eta ekonomikoari buruzko gogoeta eta diagnostiko komunak egin ditugu".

"Sindikatuak baliagarria izan behar du langileentzat, jendearekin egonda, errealitateari itsatsita. Azkenaldian egin ditugun mobilizazioek emakume aurpegia dute. Hemendik, omenaldi zintzo bat egunez egun borrokatzen diren emakumeei, eman dizkiguzuen adibideengatik. Greba, mobilizazioa, akordio onak lortzeko eta prekarietatearen aurka borrokatzeko modu bakarra da.
Gaur egun, inoiz baino gehiago, langileek erakunde sindikal indartsuak behar dituzte, inolako loturarik gabeak, eta hori ordezkatzen dugu, besteak beste, ELAk eta OSTAk.".