ELAk Auzitegi Nazionalean irabazi du enpresak lan baldintzak okertu ezin izatea

Epaitegiek arrazoia eman diote ELAri, eta baliogabetzat jo dute Cotronicek, Telefonicak Gipuzkoan azpikontratatutako enpresak, Astigarragako zentroko 35 langileei aplikatu nahi zien lan baldintzen aldaketa.

2022an, enpresako zuzendaritzak ordezkariei jakinarazi zien estatu mailako lan baldintzen funtsezko aldaketa aplikatuko zuela. Aldaketa horrek, besteak beste, larunbatetan lan egitea, dietak desagertzea eta guardia zerbitzua ezartzea ekarriko luke.

Astigarragako zentroko langileek greba mugagabea egin dute urriaren 24tik, euren lan baldintzak defendatzeko. Era berean, kontsulta aldia amaituta, ELAk aldaketaren aurka egin zuen, zuzendaritzak argudiatutako arrazoiak neurrigabeak eta faltsuak zirelako.

Sindikatuak peritu espezializatu bat kontratatu zuen Auzitegi Nazionalean egin zen epaiketarako, eta sindikatuko abokatuekin batera, epaia irabazteko mugarria izan da. Horri esker, langileak beren lanpostuetara itzuli ahal izan dira, aldaketaren aurreko baldintzekin.