ELAk bultzatuta, Riderrak ostalaritzako hitzarmenetan sartzeko akordioa sinatu dute

2021/06/28
Euskal Autonomia Erkidegoko ostalaritza sektorearen esparru akordioaren aldaketa bultzatu du ELAk, plataforma digitaletako langileak aplikazio eremu horretan sartu daitezen; besteak beste, riderrak. Horrek esan nahi du ostalaritzako establezimenduetan banaketa-lanetan aritzen direnen lan baldintzak Araba, Bizkaia eta Gipuzkoako ostalaritza hitzarmenen bidez arautuko direla. Hiru lurraldeetan ELA da sindikatu nagusia.

Akordioa gaur, ekainak 28, sinatu dute ELAk (Euskal Autonomia Erkidegoko ordezkaritzaren ia %50arekin), LABek (%27arekin), Euskal Autonomia Erkidegoko patronal nagusia, Euskadiko Ostalaritza Federazioak eta Confebaskek.

ELAk uste du akordio garrantzitsua dela, lehen urratsa delako negoziazio kolektiboen bidez Riderren lan-baldintzak arautzeko. Orain, ELAk bultzatuko du Riders kategoria sartu dadila Araba, Bizkaia eta Gipuzkoako hitzarmen kolektiboetan, kolektiboarentzako soldatak arautzea, subrogaziorako eskubidea dagokion kasuetan, eta ostalaritzako hitzarmenetako gainerako baldintzak aplikatzea.

Gaurko sinadura aurrerapausoa da, esplotaziorako arrisku handia duen talde baten prekarizazioari aurre egiteko bide delako. ELAk taldearen gutxieneko soldatak hilean 1.200 eurotik gorakoak izatea bultzatuko du. Egoera horren aurrekaria ELAk supermerkatuetan erosketak banatzen dituzten langileentzat gehiengo osoarekin sinatu duen lehenengo hitzarmena da. Hitzarmena ekainaren 24an argitaratu zen Bizkaiko Aldizkari Ofizialean.