ELAk deitoratzen du Parisko Zigor Auzitegiaren epaia, eta Frantziako Estatuari elkarrizketa politikoa abiatzeko eskatu dio

Absoluzioa zen Iparraldeko eragile kolektibo nagusien iritziarekin bat zetorren ebazpen bakarra. Errudun jotzen dituen epai horrek argi uzten du Frantziako Estatuaren botereen eta euskal gizarte zibilaren arteko desfasea.

Hala ere, ELA pozik agertu da zigorrik ezarri ez delako; zigor horrek ez du ontzat eman terrorismoaren aurkako fiskaltzaren eskaera. Horrela, ebazpena garaipen gisa interpreta daiteke; izan ere, epaimahaiak, nolabait, oniritzia eman dio inputatuek egindako ekintza baketsu eta bakegileari, ekintza horrek Estatuaren ekintza eza ordezkatu nahi baitzuen.

ELAren iritziz, Frantziako Estatuak ezin die entzungor egin bere baitan dauden errealitate nazionalei, hala nola Korsika, Kanaky edo Euskal Herriari. Txetx Etcheberryk gaur eskatu duen bezala, ezinbestekoa da justizian eta gure errealitate nazionalaren aitorpenean oinarritutako bake eszenatokia sendotuko duen elkarrizketa politikoa abiaraztea.