ELAk deskontuak mantentzeko aldarrikapena helburu duen kontzentrazioan parte hartu du

Leire Gallegok, ELAko Ekintza Sozialeko arduradunak, eta Mikel Novalek, Azterketa Bulegoko arduradunak, deialdi honetan parte hartu dute. EAEko hainbat erakundek garraio publikoa erabiltzen dutenen zati handi bat beherapenik gabe uzteko erabakia salatu du Novalek. Erabaki horrek Bizkaian du eragina bereziki. Erabaki horiek klase-ondorio argia dute, neurri handiagoan eragiten baitie baliabide gutxien dituzten pertsonei. Gainera, garraio publikoa sustatzeko eta garraio pribatuaren erabilera nabarmen murrizteko beharrezkoa den politikaren aurka doa.

Bestalde, eta Bizkaiko Garraio Partzuergoak ostegun honetarako egindako ezohiko deialdiaren aurrean, Leire Gallegok eskatu du "bilera horretan atzera egin behar dela deskontuak murrizteko erabakietan. Deskontu horiek berehala luzatu behar dira, bai Bizkaian, bai EAEko gainerako lurraldeetan".