ELAk ehun langile baino gehiagoko Udaletako hauteskunde sindikal guztiak irabazi ditu orain arte

2022/12/06

Irailaz geroztik, hauteskunde sindikalak egiten ari dira Udal eta foru administrazioetan, bai eta sektore publikoan ere. Eta orain arte, ehun langile baino gehiagoko Udaletan ELAk irabazi ditu guztiak, eta duela lau urte baino zortzi ordezkari gehiago ditu.

Azaroan, adibidez, hauteskundeak egin ziren Donostian eta Gasteizen. Gipuzkoako hiriburuan 2018an baino hiru ordezkari gehiago lortu zituen eta Arabakoan zituen hamar ordezkariak mantendu zituen, baina bigarren sindikatuaren botoen ia bikoitza jaso zuen. Donostian, gainera, nabarmendu behar da garaipena bai Udal funtzionarioen artean eta bai Udal laboralen artean izan zela. Eta horrekin batera, Donostia Kulturan, Musika Eskolan eta Donostiatik zerbitzuan ere.

Epe trinkoan, arrakastatsu

Irailan hasten da hauteskunde sindikal gehien dituen urteko epea, epe trinkoa legez ezagutzen dena. Eta aurten ELAk ehun langile baino gehiagoko udalerri guztietan irabazi du. Udal horietako ordezkari sindikalen erdia baino gehiago, % 57 hain zuzen, ELAkoa da.

ELA ziur da emaitza horiek udal administrazioan egin duen lanaren emaitza direla, bai enplegua kontsolidatzeko, pribatizazioari ateak ixteko eta bai lan baldintzak hobetzeko.