Adierazpen eta informazio askatasuna
ELAk elkartasuna adierazi die José Manzanedari (Cubainformación) eta Euskadi-Cuba elkarteari blokeo ekonomikoaren aurkako artikulu batengatik kriminalizatu nahi dituztelako
Bihar, otsailak 15, Bilbon Cubainformación hedabideko koordinatzaile den José Manzanedaren eta Euskadi-Cuba elkartearen aurkako epaiketa egingo da PrisonersDefenders erakunde "antikastristak" egindako kereila kriminalagatik. Kereila, AEBk Kubako herriaren aurka duen blokeo ekonomikoa jorratzen duen artikulu baten edukiagatik aurkeztu zuten.
Artikuluak, PrisonersDefenders erakundeak, AEBko Estatu Departamentuarekin koordinatuta, Kubak herrialde askotan dituen lankidetza mediko solidarioko hitzarmenak suntsitzeko egindako ahaleginak azalarazten zituen. Guzti honen helburua, iadanik Washingtonek ezarritako zigorrei eta blokeoaren ondorioz kolpatuta dagoen uharteko osasun-sistema publikoa eusten laguntzeko baliagarriak diren diru sarrerak etetea delarik.
Adierazpen askatasuna, informazio askatasuna eta askatasun ideologikoa kriminalizatzeko asmoaren aurrean, ELAk elkartasuna adierazten die José Manzanedari eta Euskadi-Cuba elkarteari.