FAMILIA EREDUAK

ELAk erreklamazio kolektiboa aurkeztu du Europako Kontseiluan, guraso bakarreko familien diskriminazioaren aurka

2024/04/03
ELAk erreklamazio bat aurkeztu du Gizarte Eskubideen Europako Kontseiluan salatzeko Espainiako Estatuak Europako Gutun Sozialeko hainbat artikulu hausten dituelako guraso bakarreko familien kasuan. Bi kideko gurasoek 32 asteko eskubidea dute, adingabearen jaiotza eta zaintza baimenagatik; guraso bakarreko familiek, berriz, 16 asteko baimena dute. Alde horrek adingabea diskriminatzen du; izan ere, mugatu egiten da zuzeneko gurasoaren zaintza denbora gizarte segurantzaren babes ekonomikoarekin.

Egoera diskriminatzaile horren ondorioz, amak aukeratu behar du ea berak zaintzen duen diru sarrerarik gabe, edo hirugarren baten zainduko duen kostu ekonomiko baten truke. Pobrezia eta gizarte bazterketa arriskuan jartzen ditu adingabe horiek eta haien gurasoa.

Erreklamazio kolektiboa Asociación Madres Solteras por Elección elkartearekin lankidetzan aurkeztu da, Estatuan ez dagoelako berdintasunezko Gizarte Segurantzaren estaldurarik guraso bakarreko familientzat, emakumeen diskriminazioa betikotzen delako eta, gainera, adingabeei bi gurasoko familietako seme-alaben baldintza berdinetan zainduak izateko eskubidea ukatzen zaielako.

Era berean, ELAk zain jarraitzen du Konstituzio Auztegiak zein erabaki hartuko guraso bakarreko hainbat familiek aurkeztutako errekurtsoekin, Auztegi Gorenak ezeztu ondoren.