Barik, Mugi eta BAT txartel ez-pertsonalizatuen deskontuak mantentzea eskatu du ELAk

Eusko Jaurlaritzak eta Aldundiek txartel ez-pertsonalizatuekin bidaiatzen duten herritar gehienei deskontuak kentzea adostu dute EAEn. Gainera, Bizkaiaren kasuan, Bizkaiko Garraio Kontseiluak (CTB), Eusko Jaurlaritzak eta Aldundiak finantzatutako erakundeak, aldizkako bidaietarako deskontua kentzea erabaki du. Beraz, hileko bonua dutenek bakarrik jasoko dute deskontua. Horrek esan nahi du bonu gabe metroz edo Bizkaibusez bidaiatzen duten pertsonek, hau da, erabiltzaile gehienek, bikoitza ordaindu beharko dutela urtarrilaren 14tik aurrera. Hori dela eta, ELAk exijitu du deskontuak mantentzea eta deskontu horiek pertsona guztientzat eta izaera iraunkorrekoak izatea. Halaber, gazte eta langabetuentzako garraioa doakoa izatea eskatu du.