ELAk eta BIZKAIDENDAK-ek hitzarmen bat izenpetu dute, Ehunkien Merkataritzaren Bizkaiko langileentzat

2013/10/11

Urriaren 11ean ELAk —sektorean gehiengo osoa duela— eta Bizkaidendak-ek hitzarmen bat sinatu dute Ehunkien Merkataritzaren Bizkaiko langileentzat. Soldata-igoerak: 2009 eta 2010 : urte bakoitzaren KPIren pareko igoera. 2011 eta 2012 %2. 2013: %1,5.

Hona hemen edukiak:

- Hitzarmenaren indarraldia: 2009-2013

- Aurrera-eragin mugagabea. Hau da, hitzarmenaren baldintza guztiek iraungo dute hurrengoa sinatu arte.

- Soldata-igoerak: 2009 eta 2010 : urte bakoitzaren KPIren pareko igoera. 2011 eta 2012 %2. 2013: %1,5.

- Hitzarmena salbuestetik blindatzen duen klausula: Hitzarmena aplikatu gabe utzi ahal izateko, beharrezkoa da alderdien arteko adostasuna.

- Lanaldia astelehenetik larunbatera doa; eta igande eta jai-egunak atseden-egunak izango dira.

- Plus bat, 20:30etatik aurrera lan egiten duenarentzat: 6 euro/orduko osagarria.

- Gainerako edukiak: oraingo hitzarmenean jasotako guztiak bere horretan jarraituko du.

Aurrera-eragina irailaren 30ean amaitzekoa zenez, ELAk negoziazio-mahaiaren bilera berri batera deitu zien sektorean ordezkaritza duten sindikatu guztiei (CCOO, UGT eta LAB) eta patronalei (Bizkaidendak eta CECOBI). Bilera urriaren 3an egin zen.

CCOO, UGT eta LAB agertu ziren bileran; eta adierazi zuten ez zutela mahaian parte hartuko, eta CECOBI patronalaren mahaian jarraituko zutela.

Bilbon, 2013ko urriaren 11ean