ELAk ez du sinatu Bizkaiko metalgintzako hitzarmena
2008/07/10
ELAk ez du onartu Bizkaiko patronalak metalgintzako mahai negoziatzailean uztailaren 10ean aurkeztu duen proposamena. ELAren iritziz ugazabek aurkeztutako soldata igoera ez da nahikoa (KPI tabletan), kontutan izanik azken urteotan izan dituzten irabazi handiak. Era berean, onartezina da behin-behineko kontratuak zituzten langileei ez ordaintzea lan hitzarmen honetan jasotzen diren atzerakinak.
Bestalde, ELAk gaitzetsi du lan hitzarmen honetan soilik soldataren igoerari buruzko kontuak eztabaidatzea eta negoziotik kanpo geratzea urteko lanaldiaren murrizketa eta azpi-kontratazioaren eta aldi baterako kontratuen gehiegizko erabilera bezalako gaiak.
Azkenik, CCOO eta UGT sindikatuek, patronalak ezarritako gidoia jarraituz, gutxiengoarekin sinatu dutela salatu nahi du ELAk.