ELAk gaur Altsasun atxilotutako lagunak askatzea exijitzen du
2016/11/14
ELAk gaur goizean Altsasun zortzi lagun atxilotu izana salatzen du, eta lehenbailehen askatu ditzatela exijitu. ELArentzat, atxiloketa hauek eta legedi antiterroristarekin epaituak izateko Auzitegi Nazionalera eraman izana zentzugabekeria da, arbitrarioa, bultzada politiko bati erantzuten dion erabakia.
Une honetan ELAk gazte hauen babesgabetasuna azpimarratu nahi du, testuinguru honetan atestatuak eta eginbide polizialak balio frogagarria dutelako.