ELAk greba deitu du Bilboko Udaltzaingoaren arretarako telefono zerbitzua eskaitzen duen enpresa azpikontratuan

ELAk grebara deitu du apirilaren 27tik 30era Lanalden enpresan, Bilboko Udaltzaingoaren telefono bidezko arretarako azpikontratatutako zerbitzuan lan hobekuntzak lortzeko.

Langileek beren funtzioak aitortzea eta beren erantzukizunaren araberako baldintza duinak negoziatzea aldarrikatzen dute. Plusak, lanaldi doitua, hirurtekoak eta oinarrizko hobekuntzak sektore publikoko antzeko zerbitzuetan eta udal azpikontratetan aplikatzen dira, ELAk azaldu duenez. Beraz, bidezkoa eta legez bideragarria da neurri hauek udal plegu berrian sartzea.

Aldiz, 2023an plantillak bere aldarrikapenak jasotzen zituen idatzi bat erregistratu zuenetik, ez Bilboko Udalak, ez Lanaldenek ere, ez dute negoziatzeko borondaterik izan, ELAk kritikatu duenez. Gauzak horrela, sindikatuak greba deitu du udal langileen eta antzeko azpikontraten aurrean lan diskriminazioa eta "lan berdinari soldata berdina" printzipioa betetzen ez dela salatzeko, baita Contact Centerren kudeatzaileen estaldurapean dagoen ezkutuko prekarietatea salatzeko ere. ELAk grebaren eta mobilizazioen beharra berretsi du, zerbitzu horren espezifikotasuna errespetatuko duen baldintza duinen plegua lortzeko.