Martxoak 3, Gasteiz

ELAk justizia eta erreparazioa eskatzen du

2023/03/03
Martxoaren 3a aldarrikapen ugari dituen jende asko mobilizatzen duen data da, lantokietako borroka kolektiboetatik, gazteen antolaketa alternatibotik edo gizarte-ekimenetatik, zerbitzu publikoen desegitearen salaketatik edo orduan mobilizatzen zen jendeak lortutako eskubideen murrizketatik hasita.

47 urte dira jada, justizia eta erreparazioa eskatzen, eta urtero langile klaseak erasoak jasaten ditu:
Lan-baldintzak okertzea, bizitza garestitzea, pobrezia areagotzea (baita enplegua duten pertsonen artean ere), ugazaben xantaiak...
Administrazioek, aberastasuna bidezkoago banatzen lagundu beharrean, guztiz kontrakoa egiten dute. Murrizketak hezkuntzan, osasunean eta pentsioetan. Etxebizitzarekin eta energiarekin espekulatzen laguntzen dute. Gizarte-zerbitzuak behar dituzten pertsonak kriminalizatzen dituzte, baita beren egoera aldatzeko antolatzea erabakitzen duten langileak ere.
Ezin dua ahaztu 1976ko martxoaren 3an Gasteizen gertatutakoa, eta ezin da kale horiek okupatzeari utzi erasotzen diguten bakoitzean. Horregatik, ELAk bat egiten du Gasteizko gaurko manifestazioaren deialdiarekin (18tan, Zaramagan).