ELAk Osasunan greba deitu du Eibar eta Barcelonaren aurkako partidetan 9 kaleratze egiteagatik

Pasa den uztailaren 31an, Osasunak jakinarazi zuen Sadar estadioko 9 langile kaleratuko zituela. Langile hauek (txapelgorriak deritzanak) urte asko daramatzate bere lana egiten, klubeko historiaren zati bat dira eta jokalariak bezala Osasunako parte dira.

ELAk (3 ordezkaritik 2 ditu, 38 langileen artean), kaleratze hauek errepresalia hutsa direla salatzen du, klubak egin duen hitzarmenerako azken proposamena ez sinatzeagatik. Horrek zuzendaritzaren harrokeria erakusten du. Horrela ulertzen dute lan harremanak: langileak kaleratzen dituzte euren eskubideak defendatzeagatik.

Gauzak horrela, ELAk exijitzen du kaleratuak berriz hartzea.
Hori gertatzen ez bada, langileen batzarrak erabaki du bi greba-egunak deitzea, abuztuaren 24an eta 31n, batez ere Eibar eta Barcelonaren aurkako partidetan. Greba honek zailduko luke Sadarreko irekiera eta osasunzaleen sarrera.

ELAk Osasunari elkarrizketa eta negoziazioaren bidea berreskuratzea eskatzen dio, inoiz utzi behar ez zuen bidea alegia, eta horretarako langileak berriro hartu beharko ditu. Kaleratze hauek klubak defendatu omen dituen baloreengatik oso urrun daude.