ELAk pozez hartu du Auzitegi Gorenak PCBko (ITP taldea) 83 kaleratzeak baliogabetzat jo izana

2022/02/23

ELAk pozarren hartu du PCBko 83 kaleratzeak baliogabetzat jo dituen epaia, eta langileei zorionak eman nahi dizkie hilabete hauetako mobilizazioak direla eta. Sindikatuak lantaldea animatu nahi du beren lanpostuen eta lan baldintzak hobetzearen aldeko borrokan jarrai dezaten. Sindikatua harro dago egindako lanagatik, 2 ABEEi eta 83 kaleratzeak ekarriko zituen EEEari aurre egitea lortu delak.

Haatik, Auzitegi Gorenak kaleratzeak baliogabetzat jotzearen albiste ona izan den arren, langileen eskubideak hobetzeko aukera historikoa galdu dugu; Espainiako Gobernuak (PSOE-Unidas Podemos) Rajoyren erreforma indargabetzeko eman zuen hitza jan eta langile klasea salduta utzi baitu.

Kasu honetan enpresaren ahalegina ezerezean geratu arren, enpresa askok egungo legedia baliatzen dute enplegua suntsitzeko, Rajoyren erreformarekin eta duela gutxi Espainiako Gobernuak, patronalak eta CCOO zein UGT sindikatuek egindakoari esker indarrean dirauelako; horregatik, etekinak dituzten enpresek lasai asko kalera dezakete jendea.

Era berean, salatu nahi dugu erakundeek kaleratze kolektiboen aurka ez dutela bat ere inplikaziorik agertu.

ELAk dei egiten die langile guztiei antola daitezen eta enpleguaren zein lan baldintza egokien aldeko borrokari hel diezaioten.