ELAk salatu du UGTk eta CCOOk Nafarroako Metalaren Hitzarmenean lortutako akordioak erosteko ahalmena galtzea dakarrela

ELAk, Nafarroan metalaren sektorean ordezkaritza handiena duen sindikatuak, Parlamentuaren aurrean elkarretaratzera deitu ditu bere ordezkariak, metalaren hitzarmena sinatzeko UGTk eta CCOOk lortu duten akordioagatik protesta egiteko.

Akordio horrek, propagandaz haratago, erosteko ahalmena galtzea eta metaleko langileei lan baldintzak okertzea dakar: soldatak KPIaren azpitik eguneratuko dira. Izan ere, 2022an eta 2023an hirugarren mailako ofizial kategoria duen langile batek (sektoreko langile gehienek dutena) 2.000 euro inguru galduko du erosteko ahalmenean.

Akordioak aurreikusten du soldatak 2025ean eta 2027an eguneratzea, baina hitzarmeneko tauletan jasotzen den soldata dutenei soilik, eta ez soldata errealaren gainean. Hau da, metalaren sektorean enpresa gehienek hitzarmeneko tauletan ezarritakoaren gainetik dauden soldatak dituzte, eta, beraz, eguneratze hori ez zaie aplikatuko. Gainera, soldata eguneratzen zaion gutxiengoari ez zaizkio atzerapenak ordainduko.

Akordio horrek ez du aurreikusten urteko lanaldia murriztea, 2011tik murriztu gabe dagoena, baina malgutasuna bai errazten die enpresei.