ELAK uste du Arcelor Mittalek ez duela behar ABEE orokor bat

2022/09/14
ELAK uste du Arcelor Mittalek ez duela behar ABEE orokor bat
Arcelor Mittaleko Espainiako zuzendaritza sindikatuekin bildu da gaur arratsaldean honako hau proposatzeko: aldi baterako lan erregulazio espedientea jarri nahi du martxan, eta negoziazio batzordea eratu du. ELAk uste du Arcelor Mittalek ez duela estatu mailako ABEE orokor bat behar. Izan ere, 2021. urtea apartekoa izan zen Arcelor Mittalentzat. Bost kontinenteetan hedatutako ekoizpenari esker, 13.000 milioi euroren etekinak izan ditu, eta lan karga izan badu egun. Horregatik, proposamena neurriz kanpokoa da.
Hala ere, enpresak oso jarrera itxia erakutsi du enpresa akordioen negoziazioetan. ELAK ere honakoa salatu nahi du: enpresa ez da ordaintzen ari 2020an Espainiako Auztiegi Nazionalak baliogabetzat jotako aldi baterako lan erregulazioagatik langile bakoitzari zor dizkion zenbatekoak. Zuzendaritzak komeni zaionean bakarrik aplikatzen du legea.

Ez da enpresak aurkezten duen lehen ABEEa. Azken urteetako hainbat aurkeztu ditu, inolako justifkaziorik gabe eta maiz legalitatea bera urratuz (Auzitegi Nagusiak bertan behera utzi zuen horietako bat, esaterako). Izan ere, Arcelor Mittalek malgutasunerako tresna gisa erabili nahi ditu ABEEak.

Era beran, ELAk zuzendaritzarekin honako gaiez ere hitz egin nahi du: plantilla gaztetzeaz, txanda kontratua behar bezala aplikatzeaz, langileok sortzen dugun aberastasuna banatzeaz, lantegietan inbertsioak egiteaz eta gure lantegien etorkizuna bermatuko duten industria plan zorrotzez. Enpresak, ordea, beti erantzuten dio ezetz gai horiek eztabaidatzeari. Jarrera horren aurrean.

ELAk ezetz esaten dio oinarririk gabeko talde osoarentzako lan erregulazioari. Sindikatuak seriotasunez eta irmo defendatuko ditu langileak.