Equipafasa eta Cecosa -lehen Caprabo eta orain Eroski- supermerkatuetako batzordeek salatu dute Aste Santuan denden ordutegia luzatu izana

2020/04/08
Equipafasa eta Cecosa -lehen Caprabo- supermerkatuetako enpresa-batzordeek salatu dute Eroskik herritarren artean kontsumo-orduak luzatu dituela Aste Santuaren atarian. Gainera, langileak kutsatzeko arriskuaren eraginpean egoteko orduak dira hauek, eta irekiera zein itxieraren luzamenduak gehiago fakturatzea besterik ez du xede. Osasun agintariek etxean geratzeko, astean egun batean erosteko, kutsumo arduratsua egiteko esan arren, entzungor egin dio enpresa-batzordeak.

Sektore prekario eta gehienbat feminizatua den langilegok euren osasuna enpresen etekinen gainetik egon beharko lukeela gogorarazi dute. "Eroskik ez dio jaramonik egiten langileen osasunari: elikadura sektorean azken enpresa izan zen prebentzio neurriak aplikatzen, nahiz eta Lan Osasuneko Batzordeak hainbat proposamen aurkeztu zitzaizkion. Itxiera ordutegia murriztu zuen azken enpresa izan zen, eta langileei ekonomikoki eskerrak eman ez dizkien enpresa bakarra da, ahaleginari eta arriskuari iskin eginda ".

Azkenik, kritikatu egin dute langileak egoera zaila jasaten ari direla dendetan, koronabirusaren alertaren erdian, zuzendaritzak negoziaziorik eta informaziorik ez baitie eskaintzen. "Enpresak ez ditu kontuan hartzen plantillaren legezko ordezkariak. Egiten ari den aldaketak ez ditu jakinarazten, ezta negoziatzen ere".