Erantzukizunez eta inplikazioz jokatzeko eskatu dio ELAk Nafarroako Gobernuari

Azaroaren 21etik aurrera, Siemens Gamesak esan du enpleguari eragiten dioten neurriak har ditzakeela. Gauzatuz gero, seigarren kaleratze prozesua izango litzateke Siemens multinazionalak Gamesa erosi zuenetik. Enpresan zuzeneko 1.800 lanpostuz eta hornitzaileetan eta enpresa laguntzaileetan kontaezinak diren lanpostu suntsitzeaz ari gara. Oraingo honetan, salbuespena da Europar Batasunak neurri sorta bat zabaldu duela aerosorgailuen fabrikatzaileei laguntzeko, sektoreak oro har eta Siemens Gamesak bereziki bizi duten egoera arintzeko.

Bileran, Nafarroako Gobernuari eskatu zaio erakunde publikoek dituzten ahalmenak erabil ditzala laguntza horiek enplegua bermatzeko eta deslokalizazioa saihesteko. ELAk adierazi du milaka milioi horien banaketa enplegua mantentzearekin eta tokiko hornidura-katearekin lotu behar dela.

Era berean, enpresak prozesu hauek eta aurreko prozesuak egiten ari den iluntasuna salatu du, bai eta konpainian egin duen kudeaketa okerra ere, egungo egoerara eraman gaituena.