Erreferendumaren aldeko 1714 sinadura
Manifestuak nabarmentzen du erakunde katalan hautetsiek legitimitate demokratikoa dutela Kataluniako herria izan dadin, berariaz adierazita, era bakezko eta zibikoan erabakitzen duena ea nahi duen Katalunia errepublika moduan Estatu independente bat izatea ala ez.
Rajoyren gobernuak, PSOEren eta C’s-en babesa duelarik, erreferendum hori galarazi nahi du, estaturik gabeko nazio baten erabakitzeko eskubidea urratuaz, baina ez kontu legalengatik, baizik demokraziari beldur diolako, esan nahi duen aurrekariagatik eta, batik bat, balizko emaitzagatik.
Manifestuak Kataluniarekiko elkartasun argia adierazteaz gainera bi jarrera deitoratzen ditu: Alde batetik, “hitzez herrien autodeterminazioaren alde egonik ekintzez erakusteko aukera agertzen den honetan, Estatuak eragindako berme ezaren erantzunkizuna demokratei leporatuz, atzera egiten duten horien koherentzia eza”. Bestetik, Kataluniako herriarekiko Eusko Jaurlaritzaren elkartasun eza onartezina, “Rajoyen gobernuarekin egindako akordioak PPko gobernua sendotu eta Kataluniako instituzio demokratikoak ahultzen dituztelako”.
Botere politikoak nahierara jo duen eraso judizial eta errepresiboak agerian utzi du botereen banaketa eta eginkizun garantistaren desagerpena, hala Auzitegi Konstituzionalaren aldetik nola botere judizialarenetik. Espainiar estatuak zuen legitimitate apurra hondoratzen ari da Katalunian luzarorako, udal agintari, funtzionario, jendarte zibil eta politikoen aurka egiten ari den oldarraldi polizial eta judizialarekin; izan ere, haiek eskari sozial zabal bat besterik ez dira asetzen ari: herritarrek hautestontzietan beren etorkizuna erabaki nahi dute. Ospatu berri den Diadaren arrakastak borondate hori berretsi du.
Horregatik, manifestuak amaieran babesa ematen dio Gure Esku Dagok demokraziaren eta Kataluniaren erabakitzeko eskubidea egikaritzearen alde irailaren 16an Bilbon deitutako manifestazioari.
Manifestuaren bultzatzaileak: Ramón Zallo (UPV-EHU). Petxo Idoiaga (UPV-EHU), Helena Franco (UPV-EHU), Pedro Ibarra (UPV-EHU), Ane Larrinaga (UPV-EHU), Iñaki Lasagabaster (UPV-EHU), Francisco Letamendia (UPV-EHU), Mila Amurrio (UPV-EHU), Txiki Muñoz (ELA), Garbiñe Aranburu (LAB), Ana Pérez (STEILAS), Biktor Galarza (HIRU), Alazne Intxauspe (Etxalde), Txejo Ortega (ESK).