Ertzaintzako prebentzio-ordezkariek elkarretaratzea deitu dute gaur

2016/11/15
Trafiko-ertzain bat lan-istripuz hil zen atzo eta Ertzaintzako prebentzio-ordezkariek elkarretaratzea deitu dute gaurko Oiartzungo Ertzaintzaren instalazioen aurrean segurtasun eza salatzeko.

Hurrengo puntu hauek salatuko dituzte Ertzaintzako prebentzio-ordezkarioek:

  • Ertzaintzaren segurtasun-neurririk eza (laguntzako bigarren patruilaren falta...).

  • Segurtasun-arloko berariazko protokolorik eza; batez ere, 53 jarraibidea indargabetu izanagatik, han bai jasotzen baitziren protokoloak.

  • Eguneroko lan-materialaren egoera txarra.

Lan Osasun eta Prebentzioko Arloari galdatzen diote behingoz esku hartzeko, gertaturikoa zehatz-mehatz ikertzeko, eta Ertzaintzako langileen segurtasunari buruz duen ardura bere egiteko.

Barne Sailari galdatzen diote lankidearen heriotza lan-istripuz eta zerbitzu-egintzan izan dela lehenbailehen onartzeko.