Eskoletako garraio eta jolastokietan azpikontratatutako laguntzaileek euren soldata Hezkuntzako zuzeneko langileekin parekatzea lortu dute

21/22 ikasturtean, soldata-taula urtez urte berrikusi eta aplikatuko da, eta ikasturtez ikasturte egiteari utziko zaio. Horrek, orain arte, soldata-berrikuspenak bederatzi hilabetez atzeratzea zekarren. Aldaketa horrek, gainera, bi soldata-berrikuspen eragingo ditu ikasturte horretan: lehena, % 99ra 2021eko iraila-abendua artean, eta bigarrena, % 99,5era 2022ko urtarriletik ekainera, aldi bakoitzean lan-kontratudun langileek indarrean dituzten taulen arabaera.

Hitzarmenak osagarri bat jasotzen du, non atzerakinengatik sortutako zenbatekoak sartu baitira, 2021eko irailetik 2023ko ekainera bitarteko 20 hilerokotan jasoko dena. Antzinatasunik gabeko 2 orduko lanaldian, hilean ± 51 € izango dira.

Hitzarmenak, gainera, beste hobekuntza batzuk ere badakartza, hala nola birkokatzearen edo kalte-ordainaren artean hautatzeko eskubidea, zerbitzua kentzen bada; lanpostu hutsak eskaintzea, antzinatasunaren arabera, zentro bakoitzean; ordezkapen-poltsak sortzea eskualdeka; norberaren aukerako 2 egun; 10 eguneko eszedentzia zatikatua, bi alditan; 18 urtetik beherako seme-alabak medikuei laguntzea.

Bi ikasturtetan lortzen den soldata-parekatzea, osagarria ordaintzea eta gainerako edukiak positiboki baloratu dituzte hiru herrialdeetan izandako bilera sektorialetako ordezkariek; izan ere, sinadura horren bidez, sektoreak ezarritako helburuetako bat lortu da: soldatak lan-kontratuko langileekin parekatzea.

Hala ere, ELAk lanean jarraituko du zerbitzu publikoko baina pribatizatutako sektore baten lan-baldintzak hobetzeko, nagusiki feminizatuta eta baldintza kaskarretan, non lanaldi oso murriztuekin lanaldi partzialak izatea baita arau orokorra.