"Eskubide Sozialen Gutuna"ren zirriborro proposamena urriaren 5ean eztabaidarako prest izango da

2013/09/04
"Eskubide Sozialen Gutuna"ren zirriborro proposamena urriaren 5ean eztabaidarako prest izango da
Sindikatu eta hainbat eragile sozialek osatzen duen Gune plataformako bozeramaileak irailaren 15ean "Eskubide Sozialen Gutuna"ren zirriborro proposamena aurkeztuko dutela adierazi dute gaur goizean Iruñean izandako aurkezpenean. Era berean, Talde Sustatzailea osatu dela Iruñean azaldu dute.

 

Bi asanblada egin ziren uda baino lehenago, maiatzaren 25ean Eibarren eta ekainaren 14an Altsasun. 60 bat erakunde sindikal eta sozialetako pertsonek parte hartu zuten. Bertan, egutegia eta metodologia proposatu ziren.

12 pertsonak osaturiko Talde Sustatzailea eratzea onartu egin zen. Udan zehar, Kartaren zirriborroa osa zezan eta hurrengo asanbladak dinamizatzeko.

Irailaren 15erako egonen da prest zirriborroaren proposamena. Erakundeengan hasiko da eztabaida eta urriaren 5ean gauzatu behar den III. Asanbladan eztabaidatu eta onespena eman.

Orduan, herri, auzo eta arlo guztietara zabalduko da eztabaida. Azkenean, abenduaren erdian IV. Asanbladak Karta onartuko luke.

Beharrezkoa ikusiko balitz (abiadura handiegiaz goazelako edo), epe hauek guztiak luzatzen ahalko dira. Txoko guztietara, pertsona guztiengana eta erakunde sozialengana heltzea lehentasunezkoa baita.