Jaurlaritzak etorkinen elkarteak deuseztatzeko asmoa du
Jaurlaritzak hauxe dio: “azaldutako argudioak ez ziren garaiz aurkeztu, dekretua bideratu baino lehen; eta ez da kexarik jaso etorkinen elkarteetatik".
Hori gezurrezkoa da. Agiri hau izenpetu dugunok gure ukoa azaldu genion iragarritako neurri horri, Eusko Jaurlaritzak "Immigrazio Zuzendaritzaren bidez” proposatu zituen leku eta organoetan.
Horren lekuko akta bat dago: Euskadiko immigranteen Gizarteratzeko eta Gizarte Parte-hartzerako Foroaren 2009ko urriaren 28ko 17/25 Akta. Akta horretan elkarteen kritikak eta proposamenak jasotzen dira, eta baita dekretuak etorkinen elkarteetan duen eragin kaltegarria ere.
Hori horrela, guk esandakoa berresten dugu: Eusko Jaurlaritzak diru-laguntzak eraberritu ditu, gizarte-mugimenduari bizkar emanda, etorkinen elkarteak desegiteko asmoz. Izan ere, ezarritako baldintza berriak bete ezinak izango dira elkarte askorentzat: Lurraldez gaindiko programak, eta saiakuntza edo ikerketako proposamen berritzaileak.
Hori dela-eta, eskatzen dugu:
· Eusko Jaurlaritzaren menpeko aholkularitza-organoetan gizarte-elkarteek utzitako ekarpenak eta kritikak kontuan hartzeko.
· Sailburuordeak, adierazpenak egin baino lehen, gaiaren inguruko informazioa jasotzeko.
· 649/2009 Dekretua indargabetzeko.
· Gauzak hobetzeko moduko asmotan Jaurlaritzaren politiken aurka azaltzen diren elkarteei diru-laguntzarik gabeko zigorrik ez jartzeko.
· Eta elkarrizketa-bidetik abiatzeko, hurrengo helburu hauek lortze aldera: etorkinen partehartzea erraztea, haiek gizarteratzen laguntzea, eta dekretu hori bezalako politika bidegabe eta diskriminatzaileek sorrarazten duten gizarte-bazterkeria ezabatzea.
PLATAFORMA ESKUZ ESKU
GRUPO PANGEA – Kulturarteko Elkartea
PERIÓDICO NUEVO EUSKADI
SANGAMAR – Ondarroako Senegaldarren Elkartea
IDEASUR – Hegoaldeko Integrazio, Garapen eta Hezkuntzako Elkartea
BACHUE. Errefuxiatu Kolonbiarren Euskadiko Taldea
REVISTA ENCUENTROS
ELA
PORTURAICES. Portugaleteko Kulturarteko Elkartea
KIRA. Etorkinen eta Errefuxiatuen Gasteizko Koordinakundea:
APAVI – Paraguaitarren Gasteizko Elkartea
Kolonbia-Euskadi Elkartea
AMALUR CHARRUA – Latin-Amerikako Emakumeen Elkartea
Gazteen Elkarte Alternatiboa
Saharako Egoiliarren Elkartea
Dominikar Errepublikako Egoiliarren Elkartea
ATERKO. Ekuatore Gineako Kultura Elkartea
LACANTUTA – Bolivia-Euskadi Elkartea
Mundu Gaztea Elkartea
SENDAS NUEVAS – Kulturarteko Elkartea
Paraguaitarren Elkartea
AZRAF