Eusko Jaurlaritzak erabaki du 2023an langile publikoen erosahalmena %3 murriztea

2023/02/14
Eusko Jaurlaritzak gaurko gobernu bileran iragarri du %2,5eko soldata igoera ezarriko diela 2023an bere 100.000 langile publikoei. Horrela, 2022ko KPI 5.7 % izanik, erosahalmenaren galera 3,2% izango da. Galera horri aurreko urteetakoak batu behar zaizkio: 2022ko galera % 3koa izan zen, eta azken bi urtetakoa %6,2koa. Areago, kontuan izan behar da 2010tik egun arte metatutako galera % 20 baina handiagoa izan dela.

ELAren ustez, proposamenak agerian uzten du Eusko Jaurlaritzak plantilla pobretzearen aldeko apustu sistematikoa egin, eta patronal neoliberal gisa jokatzen duela. Izan ere, erosahalmenaren galeraz gain, kontuan izan behar da behin-behinekotasuna %40 baino handiagoa dela sektorean, sektore pribatuaren bikoitza.

Gainera, lan baldintzetan erabaki horiek hartzen ditu Jaurlaritzak aurrekontuak superabitakin ixten dituenean. Oso larria da hori ELArentzat. Izan ere, 2020ko eta 2021eko itxialdietan 2.000 milioitik gorako superabita izan du, eta datu guztien arabera, 2022an ere superabita izango ditu. Horri batu behar zaio banketxeetan milaka milioi euro dituela.

Ostegun honetan, otsailaren 16an, Lakuan egingo den mahai orokorreko bileran, ELAk Eusko Jaurlaritzari eskatuko dio behingoz utz diezaiola Estatuaren Gasteizko Ordezkariordea izateari, patronalik neoliberalena izateari, eta zerbitzu publikoen eta hori posible egiten duen kolektiboaren alde egin dezala.