Eusko Jaurlaritzari desagertutako anbulantzia zerbitzua berrezartzea eta kaleratutako 60 pertsonak berriro onartzea eskatzeko elkarrateratzea

2021/10/26

ELA, LAB, UGT, CCOO eta ESK sindikatuek elkarretaratzea egin dute Osasun Sailaren atarian, Gasteizen, eta Gotzone Sagardui Osasuneko sailburuari zuzendutako idazki bat erregistratu dute. Bertan, Covid-19ak kutsatutako pazienteak lekualdatzen ari ziren anbulantzia-zerbitzua berrezartzea eta kaleratutako 60 pertsonak berriz hartzea eskatu dute. Era berean, zerbitzu garrantzitsu hori zuzenean bere gain hartzeko eskatu diote Administrazioari, anbulantzia asistentzialak eta ez-asistentzialak publiko eginez. Azkenik, sailburuari gai horiek aztertzeko bilera eskatu ondoren, sindikatu horiek iragarri dute protestak Bizkaira eta Gipuzkoara ere eramango dituztela, gure herrian osasun publiko eta kalitatezkoaren aldeko benetako apustua egin dadin eskatzeko.

Urriaren 8an, Eusko Jaurlaritzak Covid-19ak kutsatutako pazienteak lekualdatzen ari ziren 6 anbulantzia erretiratu zituen osasun-garraioko zerbitzutik, eta, horrela, 60 pertsona inguru kaleratu zituen.
Euskadiko asistentziako eta ez-asistentziako osasun-garraioa ez zen nahikoa pandemia baino lehen. Hobekuntza bat behar zuen: dauden ibilgailuen kopurua handituz zerbitzu hobea emateko, bai anbulantzia asistentzialetan, bai ez-asistentzialetan. Hala ere, txertaketa masiboaren eta covid kasuen beherakadaren ondoren, badirudi Eusko Jaurlaritzak dena amaitutzat ematen duela eta jendea kaleratzen duela, dagoen zerbitzu prekarioa hobetu beharrean.

ELA, LAB, UGT, CCOO eta ESK sindikatuen ustez, aurrekoaren moduko jarduerek adierazten dute ez dela ezer ikasi pandemiaren 18 hilabete baino gehiagotan; izan ere, osasunean inbertitutakoari eutsi beharrean, erretiratu egiten da, pandemia aurreko prekarietate-egoerara itzuliz, eta erabateko lehentasuna izan beharko luke osasun publikoa indartzeak.