Fresenius-Dialbilboko langileek mobilizazio gehiago egingo dituzte uztailean

2021/07/06
Fresenius-Dialbilboko langileek mobilizazio gehiago egingo dituzte uztailean
Fresenius Medical Care (Dialbilbo) Eusko Jaurlaritzak Bilbon dialisia egiteko azpikontratatutako enpresako langileek kontzentrazioa egin dute Osasun Sailaren Bilboko eraikinaren aurrean. Lan hitzarmen negoziatzen hasteko eskatzeko, lanuzte gehiago iragarri dituzte: uztailaren 15, 19, 22, 27 eta 30ean.

Langileen mobilizazioari eta antolaketari esker, enpresak ELA sindikatuko langileen ordezkariekin negoziatzea onartu zuen. Negoziazioan aurrerapen batzuk egon diren arren, enpresak uko egiten dio plantillak azken 10 urteetan galdutako erosmen ahalmena berreskuratzeari. Enpresak sektorean batez beste ordaintzen diren soldatak baino nabarmen txikiagoak ordaintzen ditu, eta hori gutxi ez, eta azken hamarkan, langileen soldatak izoztuta dituzte. Langileek askotan eskatu diote enpresari hitzarmena negoziatzeko eta soldatak eguneratzeko, baina uko egin diote. Langileen erabakiari esker, enpresak negoziazioei ekin behar izan die, eta, oraingoz, ez da lortu langile guztien lan-baldintzak duintzea. Era berean, Eusko Jaurlaritza (Osasun Saila) gatazkaren konponbidean inplikatzea eskatzen dugu, funtsezkoa eta delikatua den zerbitzu baten titularra baita.

Hori dela eta, mobilizazioaren bidez patronalaren jarrerak baldintzatu daitezkeela ikusita, uztailean mobilizazioekin jarraitzea erabaki dute langileek. Lehenengo elkarretaratzea gau egin ondoren, hurrengo lanuzte egunak uztailaren 15, 19, 22, 27 eta 30ean izango dira.