Fundiciones Aizpurua-ren hitzarmenak enplegu duina eta kalitatezkoa bermatzen du

2015/07/28
Oiartzungo Fundiciones Aizpurua enpresak 28 langile ditu eta bere lehen hitzarmena sinatzea lortu du ELAk. Bi urteko iraupena izango duen hitzarmenak lan-baldintzak lan-erreformatik blindatzea eta KPI gainditzen duten soldata-igoerak bermatzen ditu, beteak beste.

Hona hemen akordioaren puntu nagusiak:

  • 2 urteko indarraldia (2016-2017).

  • Aurrera-eragina: mugagabea.

  • Lan-baldintzak blindatuak lan-erreformatik.

  • Gaixotasun arruntaren eta lanez kanpoko istripuaren bajen kontrola eta kudeaketa sistema publikoaren barruan geratuko dira. Mutualitateak ezin izanen du haien kudeaketa bere gain hartu.

  • Urteko lanaldia 1.697 lanordukoa izanen da.

  • Soldata igoera: KPI+%1, urte bakoitzeko.

  • Kalitatezko enplegua sustatzea. Lehentasuna emanen zaio kontratazio finkoari.

  • Gipuzkoako Metalgintza Hitzarmenaren testu osoa jasoko da.

ELAk positibotzat jo du hitzarmena. Izan ere,  KPIren gainetik %1eko soldata igoera eta lan-erreforma aplikatzea eragotziko du. Bestalde, Mutualitateek gaixotasun arruntaren bajak kudeatzea galerazten du. Akordioak, beraz, Fundiciones Aizpuruako langileen enplegu duina eta kalitatezkoa bermatzen du.