Gipuzkoako adineko egoitzetako patronalek hitzarmen proposamen eskasa aurkeztu dute sektorearen 262 greba egunean
Gipuzkoako egoitza pribatuetako patronalaren % 73 ordezkatzen duten erakundeek hitzarmen proposamen erabat eskasa egin dute gaur goizeko hitzarmenaren negoziazio mahaian, sektoreko langileen aldarrikapenetatik oso urrun. ELAren iritziz, proposamen hori ez dator bat sortutako itxaropenekin; izan ere, patronal horiek premiaz deitu zuten gaurko bilera, sektoreko greba egun batekin batera. Sindikatuak salatu du egindako proposamena ez dela nahikoa, ez funtsean, ez formetan. Funtsean, soldatari lotutakoak ez diren edukiek ELAko langile askoren baldintzak okertzen dituztelako, aurretik ere borrokatu eta lortutakoak enpresa hitzarmenetan. Eta formetan, premiazko bilera hau greba egun batean deitu delako, errespeturik gabe eta LHKko idazkaririk gabe, berandu jakinarazteagatik.
ELAk deitoratzen du galdutako aukera berri hori, sektoreko langileen lan baldintzak eta mendeko pertsonei eskaintzen zaien zerbitzuaren kalitatea hobetuko dituen hitzarmen bat lortzeko, eta, aldi berean, dei egiten dio kolektiboari gaurko deitutako mobilizazioetan parte hartzera eta borrokan jarraitzera, kalitateko hitzarmen sektorial bat lortzeko.
Beste bilera baten ostean, patronalak eta Aldundiak gatazkaren konponbidean pausorik eman gabe jarraitzen badute, lehen negoziazio mahaia martxan jarri zenetik bost urte igaro ondoren, mobilizazioak areagotu egingo direla iragarri du sindikatuak.
Sektorea 6.000 langilek osatzen dute eta zerbitzuaren % 90 Gipuzkoako Foru Aldundiak finantzatzen du.