Gipuzkoako Foru Aldundiak erresidentzietan ez du bermatzen Koronabirusaren inguruan ezarritako gomendioak betetzea

2020/03/11
ELAk salatzen du Gipuzkoako Foru Aldundia Erresidentzietan koronabirusari buruz egindako mediku-gomendioak erabiltzen dituela iritzi publikoaren aurrean aurpegia zuritzeko, inondik inora ere ez baitu bermatzen benetan aplikatzea. Zehazki, ELAk salatzen du prebentzio-delegatuekin egindako bilerak, derrigorrezkoak direnak, ez direla egiten ari edo oso egoitza gutxitan egin direla. Asteburuan lanean aritu diren eta infekzio-kasuren baten inguruko susmoak izan dituzten langileek ez dute inolako erantzunik jaso zuzendaritzetako arduradunen aldetik. Gainera, egia da egoitza askotan maskara, xaboi edo termometro nahikorik ez dagoela.

Gaiarekin fribolizatzeko inolako asmorik gabe, ELAk salatzen du zerbitzu publiko hori pribatizatzeko erabaki politikoa hartzen denean, adinekoen eta desgaitasunen bat dutenen zaintzarena, inolaz ere ez dela lehenesten pertsona horien babes berezia, zerbitzu hori kudeatzen duten enpresen interes ekonomikoak baizik.

Gomendioei buruz, Gipuzkoako Foru Aldundia publikoki horiek planteatzen eta kudeatzaile onaren irudi izatetik haratago, pribatizatutako zerbitzuen gomendioak direnez, horiek zorrotz betetzea enpresa pribatuen eta haien zuzendaritzen esku uzten da.

ELAk gaineratzen du Eusko Jaurlaritzak edo Gipuzkoako Foru Aldundiak benetako borondatea balute egoitzetako erabiltzaileei kalitatezko zerbitzua bermatzeko eta kalitatezko zerbitzu publikoa bermatzeko, egungo plantillak bikoiztuko lituzketela eta sektoreko langileei lan-baldintza duinak bermatuko lizkiekeela. Hori egiten ez duten bitartean adabakiak izango dira; alde batetik, sektoreko emakume langileen protesta neutralizatzea bilatzen dute, eta, bestetik, iritzi publikoaren aurrean aurpegia garbitzea.

Joan den astean, Gipuzkoako Foru Aldundiak eta Osakidetzako Osasun Sailak Gipuzkoako egoitzetarako eta eguneko zentroetarako gomendio batzuk publiko egin zituzten. Gomendio horiek koronabirusari eusteko egungo agertokian egiten ziren, eta, hizpide dugun kasuan, adineko pertsonak arrisku eta babes bereziko kolektibo bat direlako, Konstituzioaren 50. artikuluan aurreikusten den bezala.