Gizarte eta lan-erakundeetan ezin daitezke ordezkatu ELAren karguak
2006ko urriaren 2an ELAk Lan Harremanen Kontseiluan zuen parte-hartzea era mugagabean etetea erabaki zuen. Lan Harremanen Kontseiluko presidenteak ELAren bi ordezkariak UGT eta CCOO sindikatuen artean banatzea erabaki zuen. Patxi Lopez Lehendakariak, bere aldetik, ELAko kideak bere kargutik kendu eta kide berriak izendatu zituen.
Euskadiko Auzitegi Gorenak ELAri arrazoia eman dio, eta Lehendakariari bere ordezkaritza “usurpatzea” leporatu dio. Era honetan, ELAren ordezkaritza beste sindikatu batzuei ematea eremu sindikalean eta lan-harremanen esparruan bizirik behar duten joko-arau demokratikoen aurka egiten duen erabaki politikoa dela adierazi du Adolfo Muñoz Txikik Bilbon. “ELAk abstenitzeko eskubidea du eta erabakia errespetatu beharra daukate agintariek”, berretsi du.
ELAko idazkari nagusiarekin batera, Mikel Noval, arlo sozialeko arduraduna, eta Haimar Kortabarria, bulego juridikoko kidea, izan dira prentsaurrekoan. ELAko ordezkariek erantzukizun politikoak eta benetako ordezkaritza sindikala errespetatuko dituen izendapen berriak egitea exijitu dute.
Lan- erakundeen lege-proiektu berriaren aurrean ELAren iritzia