Greba mugagabea Air Liquiderako Oxinorterako lan egiten duten garraiolariek

Transmol enpresako garraiolariek, batez ere Air Liquiderako bidez Oxinorte enpresari eta beste zerbitzu batzuei (gasaren banaketa denak) zerbitzua ematen dietenek, greba mugagabea hastea erabaki dute urriaren 23tik aurrera, lanpostuen eta lan baldintza duinen alde.

Barakaldoko lantegitik zerbitzua 25 garraiolarik ematen dute. Bada, Air Liquide enpresak Transmol enpresarekin urteetan izan duen merkataritza akordioa haustea erabaki du, 2026ra begira hornitzaile logistikoa aldatzeko. Horrela, 30 urtez luzatu den harreman komertzialarekin bukatuko dute.

Gogora dezagun Air Liquidek eta Oxinortek Osakidetzari eta beste zerbitzu publiko batzuei ematen dietela zerbitzua. Era berean, egoera hori gertatzen da Oxinortek beste turbina bat instalatu duenean gas gehiago ekoizteko eta dagoeneko saltzen dutena baino askoz gehiago saltzeko. Hala ere, Oxinorte eta Air Liquide enpresak ere ez dira arduratu Barakaldoko plantillaren egoeraz, eta Air Liquidek enpleguak suntsitzeaz gain, plantillaren lan baldintzak okertzen dituzten neurriak hartu nahi ditu.

Egoera horren aurrean, langileek greba mugagabea deitzea erabaki dute.