Greba orokorrak babes zabala jaso du
Industria-sektorean, esaterako, langileen gehiengoak bat egin du deialdiarekin. Ez da harritzekoa. Kontutan izan behar dugu krisia gogor astintzen ari dela industria-sektorea, eta bertako langileak direla patronalaren xantaia zuzenean gehien nozitzen ari direnak.
Zerbitzu pribatuei dagokionez, grebaren eragina ere handia izaten ari da; merkataritza gune, arropa eta oinetako saltoki, hornidura-azoka, finantza-erakunde, bide-sarearen garbiketa eta catering-enpresetan izan du eragina deialdiak.
Garraio-sektorean, Metroan, Tranbian edo Eusko Trenbideak-en gutxiengo zerbitzuak ari dira, besteak beste.
Gutxiengo zerbitzuak ere protagonista izan dira hezkuntzan; grebaren jarraipena oso zabala izaten ari da sektore osoan.
Sektore publikoari dagokionez, udal administrazioaren gehiengo osoak greba babestu du. Administrazio orokorrari dagokionez, jarraipena nabarmena izan da, nahiz eta tokian-tokian eragina ezberdina izan den.
Adolfo Muñoz "Txiki" , idazkari nagusiak, greba honen arrakasta azpimarratu du Bilbon milaka kideen aurrean.