BIZKAIKO GARBIKUNTZA

Grebari ekin diote berriro, hiru egunetarako

2026/04/28
Grebari ekin diote berriro, hiru egunetarako
Bizkaiko garbitzaileek gaur egingo dute apirilaren 28, 29 eta 30erako deitutako azken txandako lehen greba eguna. Langileek hainbat greba egun egin zituzten abendutik martxora bitartean, ELAk eta LABek deituta, eta ez dute baztertzen greba areagotzea patronalek aurrera egiten ez badute.

Urtebete baino gehiagoko negoziazioaren ondoren, ASELBIk eta ASPELek osatutako patronalek Bizkaiko garbikuntzan orain arte lortutako lan eskubideak murriztu nahi dituzte. Besteak beste, antzinatasunaren eta lan-bajaren osagarriak okertu nahi dituzte, biak ere ezinbestekoak sektorearentzat. Langileek ez dute atzera egin nahi beren eskubideetan, are gehiago kontuan hartzen badugu sektoreko patronalek irabazi handiko enpresak dituztela, hala nola ISS, SERVEO, EULEN edo FCC. Horregatik, greba egingo dute apirilaren 28an, 29an eta 30ean.

Aldarrikapen nagusien artean, honako hauek: lanaldi osoak bermatuko dituen lanpostu hutsen sistema bat -partzialtasuna nagusi da sektorean-, eta urteko 22.500 € soldata bermatuko dituen igoera. Patronalek, ordea, uko egin diote eskaerari. ELAk azpimarratu du patronalek uko egin dietela urteko 22.500 euroko soldata bermatuko lituzketen soldata-igoerei, eta hori bat datorrela Eusko Jaurlaritzak Euskal Herrian urteko 21.000 €bermatuko dituen Gutxieneko Soldata negoziatzeari uko egitearekin. "Zoritxarrez, Bizkaiko garbikuntza sektorea bezalako sektore feminizatuek jasaten dituzte bi jarreren ondorioak", deitoratu dute sindikatuek.