Ikatza Salicako zuzendaritzarentzat ABEEaren kontrako manifestazioan

Albacora taldeko Salica enpresa Bizkaiko arrain kontserben sektoreko enpresarik handienetako bat da, eta 100 langile baino gehiago ditu, gehienak emakumeak. Enpresa horrek onura ekonomiko handiak izan ditu hamarkadatan, besteak beste, langileek soldata txikiak jasotzen dituztelako. Ezin dugu ahaztu Bizkaiko kontserba sektorea soldata txikieneko industria sektore probintzialetako bat dela, baita feminizatuenetako bat.

Hala eta guztiz ere, pandemia guztia "funtsezko sektorea" izateagatik lanean jarraituta, iaz enpresak aldi baterako lan erregulazioa planteatu zuen ekoizpen arrazoiengatik, stocka gehiegi sortu zutela argudiatuz. ELAk une horretan salatu zuen ez zetorrela bat koiunturazko produkzio arazo batekin. Hala ere, enpresak ERTEaren eraginpeko hilabeteetarako eskaintzen zuen konpentsazio ekonomikoa kontuan hartuta (eguneko soldataren % 90), batzordeak oanrtu zuen, hau da, ekoizpenak 2024an erritmo normalizatu bati ekingo ziola, eta ez aurkaratzea erabaki zuen.

Bada, 2023an, aurreikusitako egunetan baino askoz gutxiago eragin die langileei, eta lantegia robotizatzeko inbertsioa egin du enpresak; horrek esan nahi du lan karga berreskuratu dela. Hala eta guztiz ere, Salicak berriro eskatu du langileen langazia, eta adierazi du arazoa larriagotu egin dela, eta ez dutela guztientzako lanik.

ELAk argi du Salican lana ez dela falta. Zuzendaritzak ekoizteko modua aldatu nahi du, lanaldi irregularragoa duten gero eta langile gutxiago izateko. Ondorioz, lan baldintza benetan prekarioak dituzten emakumezko langileak enpresaburuen premien menpe jarriko lirateke; enpresaburuek gehiago irabazi nahi dute fabrikan ekoizteko modua aldatuz.

Horregatik, ELAk salatu du iaz aldi baterako lan erregulazioak ez bazuen konpondu enpresak planteatzen duen arazoa, aurten ere ez duela konponduko, eta enpresari eskatu dio negoziatu ditzala langileengan eragin ez hain traumatikoa izango duten beste neurri batzuk.