Irakaskuntza publikoan deitutako grebaren arrakasta azpimarratu dute sindikatuek

ELA, STEE-EILAS, LAB eta UGTko ordezkariek azaroan Arabako, Bizkaiko eta Gipuzkoako irakaskuntza publikoan deitutako grebaren balorazioa egin dute Bilbon. Lau sindikatuetako ordezkariek irakurketa baikorra egin dute: eskola publikoaren defentsan eta lan baldintzen hobekuntzarako deitutako hiru greba egunetan hezkuntzako langileriaren %75a baino gehiagok parte hartu dute.