11 urte soldata berarekin

Kontzentrazioa egin dute Arabako Apdemako langileek, lan baldintza hobeak eskatzeko

2023/02/23

EAJ eta PSEren esku dagoen Arabako Foru Aldundiak onartu behar ditu Apdemako langileen baldintzak, baina inflazio handiko garaiotan ere, ez dituzte soldatak igo nahi. Adimen-Ezintasuna duten Pertsonen aldeko Arabako Elkarteak 60 urte bete berri ditu eta ezinbesteko zerbitzua eskaintzen dio gizarteari. ELAk, LABek eta CCOOk babestu dute mobilizazioa.

Hamaika urte daramatzate Apdemako langileek soldata berdinarekin eta nekatuta daude. Horregatik, ELAk, LABek eta CCOOk deituta, beste kontzentrazio bat egin dute gaur. Apdemako langileen lan baldintzak Arabako Foru Aldundiaren finantzaketaren mende daude eta EAJren eta PSEren esku dago erakundea orain. Alderdi biek errefusatu egin dute elkartearen eta langileen ordezkaritzaren artean lortutako aurreakordioa finantzatzea, eta horren kontra agertu da plantilla.

Ordezkari batek aurreko mobilizazio batean adierazpenak dira hurrengoak: "Egiten dugun lana funtsezkoa da adimen-desgaitasuna duten Arabako pertsonen bizi-kalitatea bermatzeko. Ezinbestekoak gara, baina Aldundiarentzat ikusezinak gara. Horregatik eskatzen diegu EAJri eta PSEri gure lanak merezi duen balioa aitortu dezatela aurreakordioa finantzatuz".