Kortabarriak 1976-2006 epealdian ELAren bilakaera jaso du

2015/06/10
Kortabarriak 1976-2006 epealdian ELAren bilakaera jaso du
German Kortabarria, bi hamarkadetan ELAko Batzorde Eragileko kide izanak, "Gauzak horrela (ere) izan ziren. ELA 1976-2006 ". liburua aurkeztu du gaur goizean Donostian. Kortabarriarekin batera, Adolfo Muñoz "Txiki", idazkari nagusia eta Pello Elzaburu, Pamiela argitaletxeko arduradunak hartu dute parte ekitaldi honetan.

Ezustekoa eman du azken urteetako ELAk: sindikatu neurritsuaren jokabide oldarkorrak, erakunde estatutu-zalearen indarreko markoaren ukoak, edota solaskidetza instituzionaletik kontraboterearen lubakietara egindako jauziak harritu egin d itu ELA ondo ezagutzen zutela uste zutenak ere. Itxuraldaketa hori gidatu duen logika azaltzen digu ELAren ibilbidea barrutik bizi izan duen German Kortabarriak.

ELAren barne-prozesuaz gain, tarte zabala hartzen dute liburuan beste gai askok, hala nola LABekiko harremanak, gobernu eta alderdiekin izandako gorabeherek, ETAren esku-hartzeen eraginak, Gernikako ekitaldiak, Lizarra-Garazik, Loiolako prozesuak eta Ibarretxe planak. Kontuak “ahalik eta zintzoen” jasotzen saiatu dela dio egileak, “datuen makuluetan bermatuz memoriaren zalantza eta amarruak”.