Galdakaoko Forbrass SL (Mek Group)
KPIa baino soldata igoera handiagoak jasotzen dituen enpresako lehen hitzarmena lortu dute
![](https://www.ela.eus/eu/albisteak/kpia-baino-soldata-igoera-handiagoak-jasotzen-dituen-enpresako-lehen-hitzarmena-kolektiboa-lortu-dute/@@images/fe1938fa-7b15-4dcf-8efb-2eb831eacf93.jpeg)
Plantilla osatzen duten 36 pertsonek akordioa asanbladan berretsi dute. Aipatzekoa da aste honetan beste 4 greba egun egitera deituta zeudela. Hau da hitzarmenaren edukia:
-
2023 eta 2024ko indarraldia. Ultraaktibitate mugagabea jasotzen da.
-
2023ko soldata igoera: 2022ko KPI+%1 eta 2024ko 2023ko KPI (gutxienez %2ko bermearekin).
-
Hitzarmena eta soldata taulak gainditzen dituzten soldaten gaineko alde bakarreko aldaketak ez aplikatzeko klausulak.
-
Deskantsu tartea lan egindako denbora dela jasotzen da.
-
Malgutasunaren gehieneko kopurua sektoreko hitzarmenean ezarritakoa dagoena baino 40 ordu gutxiago izango dela jasotzen da.
-
Osagarriak hobetzea gaixotasun arruntak eragindako lanerako ezintasunaren kasuan.
-
Errelebo kontratuaren eskubidea.
-
Lizentzietan eta eszedentzietan hobekuntzak.
Martxoan hasi ziren negoziazioak, eta langileen konpromiso eta antolakuntzari esker lortu da hitzarmena, zeinarekin hobetuko dira Bizkaiko metalaren sektoreko hitzarmeneko baldintzak.