UTE Alumbrado Pamplona

KPItik gorako soldata igoerak dituen hitzarmena lortu dute hilabetez greba eginda

2023/06/30

ELAk ordezkatzen duen plantillak lehen enpresa hitzarmena adostu du, KPItik gorako soldata igoerekin eta hitzarmenaren aplikazioa bermatzeko eta estatu mailako beste hitzarmenen aurrean lehentasuna izateko klausulekin.

UTE Alumbrado Pamplona enpresako langileek enpresa mailako lehen hitzarmen kolektiboa lortu dute, hilabeteko grebaren ondoren. Langileek, ELAko ordezkari batek ordezkatuta, greba egitea bultzatu zituzten aldarrikapenak lortu dituzte: 2026ra arte lan baldintzak hobetuko dituen enpresa hitzarmen bat sinatzea, KPItik gorako soldata igoerak bermatuz, enpresari hitzarmena ez aplikatzea eragozten dioten klausulak barne (lan erreformak jasotzen dituenak), eta enpresa hitzarmen hau estatu mailako beste hitzarmen batzuen gainetik aplikatzeko lehentasuna ezartzen duten klausulak sartzea.

Langileek aho batez bozkatu dute grebari amaiera ematen dion akordioaren alde, eta, beraz, langileak Iruñeko argiteria publikoa mantentzeko lanpostuetara itzuli dira.

ELAk garaipen honen garrantzia azpimarratu du, eta garaipen honetarako funtsezkoa izan dela langileen antolaketa eta determinazioa. Akordio honek, greba, langileen lan eta bizi baldintzak hobetzeko tresnarik onena dela erakusten du berriz ere, eta ELAren erresistentzia kutxa funtsezkoa da horretarako.