Lan baldintzak hobetzeko elkarretaratzea egin dute

Tutti Pasta janari prestatua eta ultraizoztua fabrikatzen duen enpresa da. Gaur egun 60 pertsona inguruk lan egiten dute, ELAko 3 ordezkarik ordezkatuta. Gaur egun, enpresak landare kontserben hitzarmena aplikatzen du, Estatu mailako akordio bat, Nafarroako industriaren batez bestekoaren oso azpitik dauden baldintzekin. Izan ere, Nafarroako industrian soldaten batez bestekoa urteko 31.000 eurotik gorakoa den bitartean, landare kontserben hitzarmenean ohikoena den kategoria, laguntzailearena, 15.304 eurokoa da. Gainera, urteko lanaldia altuena da, 1.776 ordukoa.

Plantilla aspalditik ari da Nafarroako errealitate sozioekonomikora hurbilduko dituen hobekuntzak negoziatzen aplikatzen zaien hitzarmenaren gainean, baina enpresak balizko elkarrizketa oro blokeatzen du eta hobetzeko edozein aukera eragozten du.

Gaur, langileek elkarretaratzea egin dute enpresaren aurrean, Esquirozeko Comarca 2 poligonoan, enpresa lan hobekuntzen negoziazioan ezartzen ari den blokeoa salatzeko.

Batzordeak martxoan proposamen bat egin zion enpresari, egungo baldintzak hobetzeko lau puntu emanez, orduztik enpresak ez du erantzun ere egin. Hiru hilabeteko itxaronaldiaren ondoren, platillak bere profesionaltasuna defendatzen du, eta enpresari eskatzen dio entzun eta aintzat har ditzala bidezkotzat eta arrazoizkotzat jotzen dituzten aldarrikapenak. Era berean, erantzunik jasotzen ez badute, enpresari negoziatzeko eskatzen jarraituko dutela iragarri dute.